जळगाव: लाचलुचपत प्रतिबंधक विभागाने (Anti-Corruption Bureau) केलेल्या यशस्वी सापळा कारवाईत नगर भूमापन अधिकारी कार्यालयाशी संबंधित एका खासगी इसमाला लाच घेताना रंगेहाथ पकडण्यात आले. तक्रारदाराने वारस नोंदणी, हक्क सोड प्रक्रिया आणि कर्जाच्या बोजाची नोंद घेण्यासाठी काम करून देण्याच्या मोबदल्यात 15,000 रुपयांची लाच मागितल्याची तक्रार दिली होती. तडजोडीनंतर 1000 रुपये स्वीकारताना आरोपीला रंगेहाथ पकडण्यात आले.
याप्रकरणी जिल्हा पेठ पोलीस स्टेशन, जळगाव येथे भ्रष्टाचार प्रतिबंध अधिनियम 1988 चे कलम 7 (अ) अंतर्गत गुन्हा दाखल करण्यात आला आहे. या कारवाईचे मार्गदर्शन पोलीस अधीक्षक श्रीमती शर्मिष्ठा घारगे-वालावलकर यांनी केले. तपास अधिकारी पोलीस निरीक्षक स्मिता नवघरे असून, पर्यवेक्षण अधिकारी म्हणून पोलीस उप अधीक्षक योगेश ठाकूर कार्यरत आहेत.
लाचलुचपत प्रतिबंधक विभागाच्या पथकाने यशस्वीरीत्या केलेल्या या कारवाईमुळे सरकारी कामांसाठी लाच मागणाऱ्या व्यक्तींवर वचक बसण्याची शक्यता आहे. नागरिकांनी अशा कोणत्याही प्रकारच्या लाच मागणीस तात्काळ तक्रार दाखल करावी, असे आवाहन प्रशासनाने केले आहे.
Post a Comment